Decorashon Real pa señora Martinus.

For di man di Burgemeester A Heijmans, señora B C Martinus, a ricibi su Decorashon Real diahuebs 19 di januari 2012. Esaki a sosode na e Jongerencentrum HangOut na Weert.

E la ricibi e adorno cu ta pertenesé na e decorashon di Lid in de Orde van Oranje – Nassau.

Señora B C Martinus ( Pina ) a nace dia 31 di maart 1948 na Aruba i ta biba den Meerssenhoven na Weert.

Centro Antiyano Yamanota.

Na aña 1981 señora Martinus a jega for di Aruba i a bin biba den Weert. Mesora ela bira miembro di Centro Antiyano Yamanota. Tambe ela bira boluntario di Centro Antiyano Yamanota. Ela sinta den comishon di mayornan, femenino i muchanan. Su tempo tawata bai hopi pa grupo di mucha muhernan Antiyano i Arubiano i e grupo di baile folklóriko Nos Caribe. Tambe e tawata juda nos Arubiano i Antiyanonan cu a caba di jega Hulanda. Pa hopi aña ela realisá un funshon directiva na Centro Antiyano Yamanota.

Jongerencentrum M29

Na aña 1996 Señora Martinus a atendé e Jongerencentrum M29 na Maaspoort Weert. Eynan e a cumpli cu su trabow cu a surpasa su tarea. Eynan ela mustra cu e ta traha hopi bon na bienestar di e muchanan. E a sa di juda e muchanan cu tawata difisil pa traha cu nan.

Verscheidene.

Señora Martinus tambe tawata hopi activo cu grupo di muhernan i muhernan di eksterior. Na Gilde opleidingen e tawata duna les den cushina caribe. Tambe e tawata e apoyo pa hopi bisiñanan. Señora Martinus abo ta hasi nos Arubianonan hopi orguyoso di ta un Arubiano. Hopi pabien.