Arubianonan,

Despues di un training basta intensivo mi a logra cana e Kennedymars di 80 km na Someren. Na februari mi a join e sportschool Fitlife na Budel. Den un combersashon cu e trainer nos tawata papia over di e Kennedymars. Den un pa otro momento ela pone mi nomber. Mi a jega cas i a conta mi señora locual a sosode i ela bisami di biaha cu mi tin cu cuminsa train.

Despues di a cumpra sapato special pa cana
mi e cuminsa train. Na cuminsamento mi a
start cu 12 km. Esaki mi a cana 2 biaha. Mi a disidi cu mi ta cana un biaha pa siman. Despues
mi a start cu 25 km. Esaki mi a cana 6 biaha i depues mi a bai pa 40 km i esaki mi a cane te
cu fin di juni. Den e canamento nan aki nos a
hasi dos training cu un grupo di 6 persona.
Prome nos a cana 30 km i despues 50 km.
E trainingnan aki a bai hopi bon.

Dia 2 di juli ami cu un grupo chiquito a meld nos mes aan den Someren pa cuminsa cana. Mi a cuminsa 22.05 di anochi. Pa 00.22 mi a cana 12 km i pa 01.37 mi a bai 19 km mas. Pa 03.08 mi a cana 27 km i pa 05.36 mi a jega na 38 km. Esaki ta e camindanan cu nan ta scan nos. 08.21 mi a jega 48 km pa bai pa 10.41, 59 km. Despues di e 59 mi a bisa mi no por sigui mas. Ariba e potretnan boso por wak con mi pia a keda. Danki na palabra di mi señora i juinan, mi a sigui. Na cafe de Pandoer nan a scan mi 13.39 i mi a cana 70 km. Pa 16.07 mi a drenta i nan a scan mi pa 80 km.

Cu mi pechi di Aruba i su bandera ariba mi pecho mi a sintimi hopi orguyoso di ta un Arubiano cu a jega na e final. Mi tin cu bisa cu e no tawata fasil. Mi pia e keda na werki, jen di blaar. Cu hopi orguyo mi a infrenta mi casa i juinan cu tawata warda ariba mi. Ami i mi compañeronan di sportschool a cuminsa papia di biaha over di otro anja. E lo ta bai e di 50 biaha cu e ta wordo cana i lo ta hopi great si nos por cane atrobe. Arubianonan pensa, si bo ta interesa pa participa, cuminsa train i sigur nos por cana hunto cu nos Bandera Arubiano den laira.

Roy “Arubiano” Kelly