Bolo di Cashupete

Ingrediente pa e bolo:

• 1 ½ cup di hariña di pan
• 1 cup di sucu
• 1 cup di manteca
• ¼ cuchara chikito di salo
• 1 ½ cuchara chikito di baking powder
• 1 cup di lechi
• 6 blanco di webo
• 2 cup di cashupete mulá
• 1 cuchara chikito di escensia di almendra

Pa e blancha, nos mester di:

• 1 cup di sucu di blancha bolo
• 2 blanco di webo
• 1/3 cup di mantéca
• 1 cuchara chikito di escensia di almendra
• 1 cuchara chikito di salo
• 1 cup di cashupete mulá

Preparacion:

Pa traha e bolo di cashupete ta bati e manteca y e sucu. Ora nan ta bon batí ta pone e blanco di webo aserca y sigui bati bon. Despues nos ta agrega e sobra ingredientenan y ta bolbe drey nan bon den otro. Entretanto nos a hunta un forma bon huntá cu manteca y nos ta basha e mescla den e forma y hinke den formu mester ta cendi na 350 grado y ta laga e bolo keda 35 minuut aden. Ora e bolo ta cla ta sake for di forno y laga fria pa por blanché. E blancha; Bati e blanco di webo hunto cu e sucu, pa despues pone e manteca y e salo acera. Awor nos ta pone e escensia di almendra y nos ta bati nan bon batí. Como ultimo ta pone e cashupete mulá acera y ta drey bon gedrey. Ora nos ta cla y e bolo tambe a fria ta tapa e bolo cu e mescla di cashupete. Pa hacie un tiki mas bonity ta dorne cu cherry y lamoenchi confeit.